Uncategorized

Minister Geoffrey Wever: Bishita di Sociaal- Economische Raad

Diaranson 17 di augustus Minister di Asuntonan Economico, Comunicacion y Desaroyo Sostenibel, Geoffrey Wever a ricibi miembronan nobo di Sociaal โ€“ Economische Raad (SER) pa e periodo di 2022 pa 2024.

 

SER ta un organo consultativo independiente estableci pa ley, cu ta duna conseho solicita of no solicita -gevraagd of ongevraagd advies- na Gobierno di Aruba riba temanan di mayor importancia riba tereno socio-economico. Pa medio di consultaย  mutuo, intercambio di opinion y argumentacion, e organo consultativo ta tuma decisionan referente e contexto, contenido y forma di consehonan, rapportnan di investigacion y notanan cu ta wordo presenta na gobierno riba maneho socio-economico.

Advertisements

 

E constelacion di SER ta consisti di un maximo di 9 representante di cual 3 representante di organisacionan di dunadornan di trabao, 3 representante di organisacionan di empleadonan y 3 experto independiente. Cada miembro tin un miembro suplente cu durante su ausencia lo ta su reemplasante durante reunionan.

 

Pa e periodo di 2022 pa 2024, e constelacion ta consisti di e siguiente miembronan:

 

Pa loke ta trata representantenan di organisacionan di dunadornan di trabao:

  • Tristan Every y miembro suplente Sr. Ronnie van Trigt di ATIA
  • Maarten Jan van Romondt y miembro suplente sra. Maura Brown di AHATA
  • Monica Kock y miembro suplente sra. Lay Hing de Kort- Yee di KvK

 

Pa loke ta trata representantenan di organisacionan di empleadonan:

  • Hose Figaroa y miembro suplente sr. Hubert Driksz pa FTA
  • Josefina Albertus y miembro suplente sr. Anthony Figaroa di SIMAR
  • Leonard Kelly y miembro suplente sr. Alonso Tromp di TOPA

 

Pa loke ta trata expertonan independiente y area di expertisio, e siguiente personanan lo forma parti di SER:

  • Ben Marapin. Area di expertisio: economia y finanzas
  • Christie Mettes y miembro suplente sra. Francielle Laclรฉ. Area di expertisio: desaroyo sostenibel
  • Stanley Heinze. Area di expertisio: Salubridad Publico y Asuntonan Social

 

Minister di Asuntonan Economico, Comunicacion y Desaroyo Sostenibel, Geoffrey Wever ta desea e constelacion nobo di SER exito cu e tarea importante aki. SER su consehonan, rapportan di investigacion y notanan ta instrumentonan esencial y cu balor agrega pa e proceso completo di maneho y asina tambe riba desaroyo di Aruba.

 

 

https://svbaruba.org/matrimonio