MINISTERIO DI HUSTICIA Y ASUNTONAN SOCIAL A FIRMA OFICIALMENTE E MOU ENTRE EUROPEAN FAMILY JUSTICE ALLIANCE Y FAMILY JUSTICE CENTER ARUBA
ORANJESTAD – Diahuebs merdia, minister di Husticia y Asuntonan Social Sr. Rocco Tjon, a firma oficialmente e MOU hunto cu European Family Justice Alliance y Family Justice Center Aruba. E MOU aki tin un impacto positivo pa Aruba pa diferente motibo, esaki ta un iniciativa pa brinda un miho cuido y servicio na victimanan di violencia en general. Banda di esaki, e ta hopi importante tambe, mirando cu e ta un stap mas padilanti, caminda nos ta bay haya e guia necesario pa nos por yega na concretisa e Family Justice Center di Aruba.
